المحطة الإخبارية جريدة إليكترونية شاملة
كتبت بوسي عواد
يقولون إن الغيرة مرض… لكن الحقيقة أعمق من كده.
الغيرة مش ضعف، ولا شك، ولا قيد بيخنق الحب.
الغيرة، ببساطة، هي رد فعل القلب لما يحس إن أغلى ما فيه مهدد.
اللي بيحبك بصدق… بيخاف يخسرك.
وعلشان كده، ساعات بيغار، ويمكن يصمت، ويمكن يعاتب، ويمكن يلف الدنيا علشان يحميك حتى من فكرة الفقد.
الغيرة مش مرض.. الغيرة إحساس صادق، ما ييجي إلا من قلب صدّق، واحتوى، وخاف.
ما تغضبش من حبيب بيغير عليك،
لأن اللي بيغار، بيشوفك كنز.
شايفك “مش أي حد”، شايفك شيء ما يتعوضش،
شايفك أغلى ما يملك، ومش عايز يشاركك مع لحظة حتى مش من حقه.
الغيرة مش حب مشروط، ولا حب مؤلم،
لكنها أحيانًا طريق القلب الوحيد يقول:
“أنا هنا، بحبك، وبخاف عليك، وبتوجع حتى من فكرة بُعدك.”
هنيئًا لمن له قلب يغار،
وهنيئًا لمن له مُحب، يعتبره وطن، وكنز، وحدوده الخاصة.
فلا تظن أن الغيرة قيد،
بل هي دفاع ناعم عن ممتلكات الروح،
اعتراف صامت بأنك… الأهم.
