المحطة الإخبارية جريدة إليكترونية شاملة
بقلم: د. مي غريب
العيد جاي من كلمة “عود” أي الرجوع، الرجوع للفرحة، للمعنى، للناس، والأهم الرجوع لنفسنا…
لكن للأسف، ناس كتير بتدخل العيد كأنها داخلة ماراثون أكل، وسهر، وصور على السوشيال ميديا، وتخرج منه أكثر تعبًا ومللًا!
طيب إيه رأيك نعيد صياغة العيد؟
نعمله فرصة للإصلاح، التجديد، الراحة النفسية، وزيادة الروابط الأسرية.
ليه لازم نعيش العيد بعادات صحية؟
لأن الجسد مش جهاز إلكتروني ينفع يفصل ونركّبه وقت ما نحب!
لأن أولادنا مرآتنا… وهيتعلموا مننا إذا كنا بنهتم بصحتنا النفسية والجسدية ولا لأ.
لأن الروتين بيهلكنا… والعيد هو الـ Restart button اللي ربنا بيبعته لنا كل سنة.
عادات صحية لازم نلتزم بيها في العيد:
نظام أكل متوازن: مش لازم نأكل كل الكحك! اختار 2 بس، واستمتع بيهم من غير تأنيب.
المشي بعد الوجبات: نزهة قصيرة في الشارع أو الحديقة، تفرق في الهضم والمزاج.
النوم المنتظم: العيد مش ترخيص للسهر المدمر!
شرب المياه باستمرار: عشان الكبد والكلى والمخ يشكروك بعد العيد.
وجبة إفطار خفيفة قبل الخروج: عشان ما تتحولش الخروجة لسباق على المحلات والمقليات.
طرق ترفيهية بأقل الإمكانيات (نفسية + أسرية):
1. رحلة عائلية بسيطة: حديقة عامة، كورنيش، أو حتى فرشة على السطح.
2. يوم بدون شاشات: لعبة جماعية، فيلم عائلي، حكايات من زمان.
3. جلسة شكر وامتنان: كل فرد يقول حاجة حلوة حصلت له خلال الشهر أو يدعي بدعوة قلبية.
4. صندوق “افرح واهدي”: كل شخص في البيت يكتب حاجة يحبها ويهديها لحد تاني في البيت.
5. لعبة “افتح قلبك”: كل فرد يجاوب على سؤال نفسي بسيط زي “إيه أكتر حاجة بتحبها في نفسك؟”
أدوار الأسرة خلال العيد:
القيم والعادات الإنسانية في العيد:
جُمل نعلمها لأولادنا في العيد:
“العيد مش لبس جديد… العيد قلب سعيد”
“نفرّح غيرنا زي ما بنفرح نفسنا”
“لو شوفت حد لوحده… اقرب منه”
“صوتك العالي مش دليل فرحتك… لكن احترامك هو اللي يفرّحنا بيك”
نصائح عملية لفصل الضغوط وشحن الطاقة:
1. امشِ حافي في بيتك شوية… وغمض عينيك وتخيل إنك على بحر.
2. نام 20 دقيقة بعد الظهر… وشوف الفرق في مزاجك.
3. ابعد عن أي حد بيشتكي كتير… ولو كنت انت! غير التردد… ابدأ بشكر بسيط.
4. مارس تمارين تنفس 4-4-4 (شهيق 4 ثواني – حبس 4 – زفير 4).
5. اعمل “أجندة شكر العيد” ودوّن كل يوم 3 حاجات تفرحك.
العيد مش مناسبة عابرة… دا تدريب حيّ على الحياة نفسها.
فيه بنتعلم نفرح، نشارك، نسمع، نرتاح، ونبتدي من جديد.
لو عرفنا نغرس القيم دي في أولادنا… نكون فعلاً بنبني مجتمع مش بس بيت.
