المحطة الإخبارية جريدة إليكترونية شاملة
الحدود في العلاقات
بقلم – د. أسما الصيفي :
لقد كانت الحدود في العلاقات هي الخطوط التي تحافظ على راحتنا النفسية ، الجسدية ، والعاطفية في التعامل مع الناس . فهي التي تحدد ماهو المقبول وما هو غير المقبول بالنسبة لنا ، وقد تساعدنا علي تجنب الاستغلال أو الضغط النفسي .
*- أنواع الحدود :
*- الحدود العاطفية : لا تسمح لأي شخص بالضغط عليك عاطفيًا أو بتحميلك مسؤولية مشاعره ، مثلما يقول لك : “أنا زعلان بسببك”، وانت مكنتش تقصد حاجة .
*- الحدود الجسدية : من حقك تحدد مساحتك الشخصية ، ولو مش مرتاح للمصافحة أو العناق ، من حقك ترفض .
*-الحدود النفسية : رأيك وأفكارك ملكك ، محدش من حقه يفرض عليك تفكير معين أو يسخر من معتقداتك .
*-الحدود الزمنية : وقتك مهم ، ولو فيه حد بياخد من وقتك زيادة على حساب نفسك ، لازم توضح له إن عندك أولويات .
*-الحدود المالية : مش لازم تساعد حد ماديًا لو ده هيأثر عليك ، حتى لو كان قريب منك .
*-الحدود في التواصل : مش لازم تكون متاح طول الوقت ، ولو مش حابب حد يكلمك في أوقات معينة ، من حقك تحدد ده .
*-الحدود الثقافية والاجتماعية : كل شخص ليه عاداته ، فلازم يكون في احترام متبادل ، ومتسمحش لحد يجبرك على تصرف معين بحجة “كده الصح”.
*-الحدود المهنية : في الشغل ليك حقوق زي إنك تفصل بين حياتك الشخصية والشغل ، ومتسمحش لحد يستغل مجهودك أو يتعامل معاك بأسلوب مش محترم .
*-الحدود الروحية والدينية : ليك الحرية في ممارسة معتقداتك بدون الضغط عليك أو السخرية منك .
*-الحدود الأسرية : الأهل ليهم احترامهم ، لكن ليك الحق في اتخاذ قراراتك بدون تحكم أو ضغط .
*-الحدود في الأكل والصحة : مش لازم تاكل أو تعيش بطريقة معينة لمجرد إن الناس شايفينها “الأفضل”، فصحتك هي قرارك الشخصي .
*-الحدود في الهوايات والاهتمامات : حبك لشيء معين مش محتاج تبرير ، ومحدش من حقه يسخر من اهتماماتك .
*- كيف تضع حدود بطريقة واضحة ؟
استخدم كلمة “لأ” لما تحس إنك مضغوط أو مش مرتاح .
وخليك واضح وصريح ، لكن بلطف . ومتحسش بالذنب لو رفضت حاجة مش مناسبة ليك. ولا تسمح لأحد يتعدى على حدودك أو يضغط عليك عشان تغيرها .
*-إمته تعرف إنك محتاج تضع حدود ؟
-لما تشعر بالإرهاق أو الضغط بسبب أشخاص معينين .
-لما بتوافق على حاجات مش عايزها عشان ترضي الجميع .
-لما بتشعر إن في حد بيتعدى على مساحتك الشخصية أو بيستغلك .
الحدود مش معناها إنك تبقى قاسي أو تقطع علاقتك بالناس ، بالعكس ، دي اللي بتخلي العلاقات صحية ومتوازنة .
